काठमाडौँ । पूर्व प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले वर्तमान केपी ओली सरकारको काम कारबाहीबारे केही दिनमा संसदमै बोल्ने बताउनुभएको छ।
बिहीबार पार्टी कार्यालयमा सञ्चारकर्मीसंग कुरा गर्दै प्रचण्डले ‘यो सरकारको विषयमा म केही दिनमा संसद्मै बोल्छु ।’ त्यसैगरी पार्टी विभाजनबारे चलेको हल्ला पनि गलत भएको’ बताउनुभयो।
उहाँले भन्नुभयो, “पार्टी फुट्ने हल्ला निराधार हो । पार्टीमा गरिएको आशङ्का र भ्रम पनि यो बैठकबाट चिरियो।”
टीआरसी विधेयकका सवालमा प्रचण्डले अब शान्ति प्रक्रिया टुङ्गोमा पुग्न लागेको भन्दै लामो समय लगाएर विधेयकलाई पीडित मैत्री बनाउने प्रयास गरिएको बताउनुभयो । ‘पीडित साथीहरूलाई ढुक्क रहन आग्रह गर्छु अब सबै मिलेर कार्यान्वयनमा लैजानुपर्छ । उनीहरूका लागि परिपूरण र सम्मान भएकाले कसैले पनि अन्यथा लिनुपर्ने छैन’, उहाँको भनाइ छ ।
