भक्तपुर: यस वर्षको पाँचौँ एपिक नेपाल म्युजिक अवार्ड मध्यपुरथिमि नगरपालिकास्थित ऐतिहासिक सम्पदास्थल दुई पोखरीमा आगामी चैत २ गते आयोजना हुने भएको छ।
एपिक नेपाल म्युजिक प्रालिले शनिबार मध्यपुरथिमिको शङ्खधर पार्कमा आयोजना गरेको पत्रकार सम्मेलनमा पुरस्कार वितरणबारे जानकारी दिँदै मध्यपुरथिमि नगरपालिकाका निवर्तमान नगरप्रमुख मदनसुन्दर श्रेष्ठले ३२ विधामा अवार्ड प्रदान गरिने घोषणा गर्नुभयो।
उहाँका अनुसार लाइफटाइम एचिभमेन्ट अवार्ड वरिष्ठ कलाकार वसुन्धरा भुसाललाई प्रदान गरिनेछ।
विशेष सम्मान पुरस्कारहरू
सदावहार नायक अवार्ड – भुवन केसी
रियल हिरो अवार्ड – पल शाह
पत्रकार सम्मान – ऋषि धमला
युवा पत्रकार सम्मान – ऋषि थपलिया
विभिन्न विधामा अवार्ड वितरण
लेकगीत विधाअन्तर्गत
गायक, गायिका, शब्द, लय
मोडल (पुरुष/महिला), भिडियो निर्देशक, नृत्य निर्देशक
म्युजिक एरेन्जर, भिडियो छायाँकार, भिडियो सम्पादक
नवगायक, नवगायिका, नवमोडल (पुरुष/महिला)
आधुनिक संगीत विधाअन्तर्गत
गायक, गायिका, सङ्गीतकार, गीतकार
मोडल (पुरुष/महिला), भिडियो निर्देशक
लोकपप गायक, टेलिचलचित्र कलाकार, श्रृङ्गार
भाषाभाषी पुरुष कलाकार, भजन गायक
गीतकार ड्यास्पोरा, भाषाभाषी गायिका
नवप्रतिभा, सर्वोत्कृष्ट खलपात्र, सर्वोत्कृष्ट चलचित्र गायक
निर्णायक मण्डल
श्रेष्ठका अनुसार प्रत्येक विधामा उत्कृष्ट पाँचजनाको छनोट भइसकेको छ। अब तिनैमध्येबाट सर्वोत्कृष्ट एकजनाको छनोट गर्न पाँच सदस्यीय निर्णायक मण्डल गठन गरिएको छ। निर्णायकहरू:
मिथिला शर्मा (नेतृत्व)
सुब्रत आचार्य (निर्देशक)
चन्द्र शर्मा (गायक)
प्रकाश भट्ट (निर्देशक)
प्राश्ना शाक्य (गायिका)
अबदेखि दुई वर्षमा एक पटक अवार्ड वितरण
श्रेष्ठले अबदेखि एपिक नेपाल म्युजिक अवार्ड हरेक दुई वर्षमा एक पटक मात्र आयोजना गरिने जानकारी दिनुभयो। त्यसअनुसार छैटौँ संस्करण २०८३ सालमा आयोजना हुनेछ।
