अभिनेता तथा मोडल साहिल खान एकपटक पुनः चर्चामा छन् । साहिल खानमाथि मनोज पाटिल नामका बडी बिल्डरलाई आत्महत्याका लागि उक्साएको आरोप लागेको छ । साहिलले अभिनेताको रुपमा करियर सुरु गरेका थिए तर आज उनी एक फिटनेस आइकनको रुपमा परिचित छन् । उनीबारे केही जानकारी लिऔंः
साहिल खान ४४ वर्ष पुगेका छन् । साहिलको जन्म ५ नोभेम्बर सन् १९७६ मा कोलकातामा भएको थियो ।
फिल्ममा फ्लप भए साहिलः
साहिल खानले सन् २००१ मा रिलिज भएको फिल्म स्टाइलबाट करियरको सुरुवात गरे तर उनी खासै जम्न भने सकेनन् ।
एक जिम सेन्टरले फेरिदियो भाग्यः
जब साहिलले फिल्ममा काम पाउन छोडे तब उनले आफ्नो एक जिम सेन्टर खोले । उनको यो निर्णयले काम गर्यो । यो कामले उनलाई धेरै फाइदा पुर्यायो । त्यसपछि साहिले देशभरी एकपछि अर्को गर्दै जिमको चेन खोल्ने योजना गरे । आज थुप्रै शहरमा उनको जिम सेन्टर खोलिएका छन् ।
अभिनय छोडेर फिटनेस आइकन बने साहिल खानः
साहिल खानले अभिनयबाट सन्यास लिए र थुप्रै काम गरे । पछि उनले फिटनेसको क्षेत्रमा काम गर्न सुरु गरे ।
दुई वर्ष अघि खोले आफ्नो फिटनेस ब्रान्डः
साहिल खानले दुई वर्ष अघि आफ्नो फिटनेस ब्रान्ड बाइसेप्स इन्डिया खोले । लकडाउन हुँदा नै यो यति चल्यो कि उनको भाग्य नै फेरियो ।
साहिल खानको तगडा कमाईः
आफ्नो जिम र फिटनेस ब्रान्डमार्फत् साहिल खान तगडा कमाई गर्छन् । उनको जीवनशैली निकै विलासी छ ।
विलासी जीवनयापनमा शौखिन साहिलः
साहिल खान फिटनेस ब्रान्डमार्फत् शानदार कमाई गर्छन् र उनी विलासी जीवनशैली अपनाउँछन् । यसको झलक उनको इन्टाग्राम अकाउन्टमार्फत् पाइन्छ ।
अत्यधिक विवादितः
साहिल खानको विवादसँग पुरानो नाता छ । सन् २००४ मा साहिलले बलिउड नायिका निगार खानसँग विवाह गरेका थिए । यो विवाह वर्ष दिन नबित्दै टुट्यो । सन् २००९ मा साहिल खानले आफूभन्दा १७ वर्ष जेठी तथा नायक ज्याकी श्रोफकी श्रीमती आयशा श्रोफलाई डेट गरेको खबरले निकै हलचल पैदा गरेको थियो ।
सलमान खानमाथि लगाएका थिए करियर समाप्त गरेको आरोपः
साहिल खान अघिल्लो वर्ष अचानक चर्चाम आए । साहिलले सलमान खानमाथि उनको करियर बर्बाद गरेको आरोप लगाए । त्यसपछि मानिसहरुले उनलाई धेरै सर्च गर्न थाले ।
