काठमाडौं । आज जुन १२, विश्वभर विश्व बालश्रमविरुद्ध दिवस विभिन्न कार्यक्रमका साथ मनाइँदै छ।
बालबालिकालाई श्रमिकका रूपमा प्रयोग गर्ने प्रवृत्तिको अन्त्य गर्दै उनीहरूको शिक्षा, स्वास्थ्य र समग्र अधिकारको संरक्षणका लागि जनचेतना फैलाउने उद्देश्यले यो दिवस मनाउने गरिन्छ।
अन्तर्राष्ट्रिय श्रम संगठन (ILO) को बालश्रमका निकृष्टतम रूपसम्बन्धी महासन्धि–१८२ तथा श्रममा प्रवेश गर्ने न्यूनतम उमेरसम्बन्धी महासन्धि–१३८ को कार्यान्वयनलाई प्रवर्द्धन गर्ने सन्दर्भमा सन् २००२ देखि हरेक वर्ष जुन १२ लाई विश्व बालश्रमविरुद्ध दिवसका रूपमा मनाउन थालिएको हो।
यस दिवसले बालश्रम उन्मूलन, बालबालिकाको शिक्षा सुनिश्चितता तथा सुरक्षित र सम्मानजनक बाल्यकालको अधिकारप्रति सरकार, सरोकारवाला निकाय र समुदायको ध्यानाकर्षण गराउने अपेक्षा गरिएको छ।
