काठमाडौं। आज देशभर साधारणतया बदली रहने जल तथा मौसम विज्ञान विभागले जनाएको छ। कोशी, बागमती, गण्डकी र लुम्बिनी प्रदेशका पहाड तथा तराईका केही भू–भागमा मध्यम वर्षाको सम्भावना रहेको छ।
लुम्बिनीका तराई र कर्णाली तथा बागमती प्रदेशका पहाडी भू–भागका एक–दुई स्थानमा भारी वर्षा हुन सक्ने अनुमान गरिएको छ। साथै, कोशी, मधेश, बागमती, लुम्बिनी र गण्डकी प्रदेशका एक–दुई स्थानमा पनि भारी वर्षाको सम्भावना छ।
आज राति कोशी, गण्डकी र लुम्बिनी प्रदेशका पहाडी तथा तराईका भू–भाग र मधेशका केही स्थानमा मध्यम वर्षा हुने पूर्वानुमान गरिएको छ। बाँकी प्रदेशका पहाडी र तराई भू–भागका थोरै स्थानमा समेत वर्षा हुन सक्ने सम्भावना रहेको विभागले जनाएको छ।
