काठमाडौँ: अमेरिकामा अध्ययनरत नेपाली चेली मुना पाण्डेमाथि गोली हान्ने पुरुषको तस्बिर ह्युस्टन प्रहरीले सार्वजनिक गरेको छ ।
स्थानीय सञ्चार माध्यमका अनुसार अभियुक्तको पहिचान भने खुल्न सकेको छैन । घटना र अभियुक्तबारे अनुसन्धान भइरहेको प्रहरीको भनाइ छ । अभियुक्त पहिचानका लागि समुदायको सहयोग मागेको छ। चिन्ने र देख्ने व्यक्तिहरूलाई प्रहरीमा खबर गर्न भनिएको छ।
ह्युस्टन कम्युनिटी कलेजमा अध्ययनरत २१ वर्षीय मुना पाण्डेको गत सोमबार साँझ गोली हानी हत्या गरिएको थियो। पाण्डे सन् २०२१ मा अध्ययनका लागि अमेरिका गएकी थिइन् ।
