काठमाडौं । अनेरास्ववियुले पार्टी अध्यक्ष केपी शर्मा ओलीको पक्राउविरुद्ध शनिबार भृकुटीमण्डपमा प्रदर्शन गरेको छ।
पूर्वप्रधानमन्त्री समेत रहेका ओलीलाई तत्काल रिहा गर्न माग गर्दै अनेरास्ववियुले टायर बालेर विरोध प्रदर्शन गरेको हो। पार्टीको निर्देशनअनुसार एमालेनिकट विद्यार्थी संगठन सडकमा उत्रिएको जनाइएको छ।
प्रदर्शनकारीहरूले ओली र पूर्वगृहमन्त्री रमेश लेखकलाई गरिएको पक्राउलाई ‘राजनीतिक प्रतिशोध’ भएको आरोप लगाएका छन्। उनीहरूले वर्तमान बालेन्द्र शाह नेतृत्वको सरकारको कदमको भण्डाफोर गर्न आवश्यक रहेको बताएका छन्।
ओली र लेखकलाई शनिबार बिहान प्रहरीले पक्राउ गरेको थियो। पक्राउपछि देशका विभिन्न स्थानमा विरोधका कार्यक्रमहरू सुरु भएका छन्।
