उन्नाइस वर्षीया युवतीलाई बलात्कार गर्ने युवालाई जिल्ला अदालत बागलुङले सात वर्ष कैद सजाय फैसला गरेको छ ।

बागलुङको ताराखोला गाउँपालिका–२ का २१ वर्षीय रेशम वनलाई जिल्ला न्यायाधीश वासुदेव न्यौपानेको बुधबारको इजालासले बलात्कार कसुर ठहर गर्दै सात वर्ष कैद सजाय फैसला गरेको हो । कैदसँगै वनले पीडित युवतीलाई रु ८० हजार रकम क्षतिपूर्तिसमेत दिनुपर्ने फैसला गरेको जिल्ला अदालत बागलुङका सूचना अधिकारी सूर्यप्रसाद भण्डारीले जानकारी दिनुभयो ।

विसं २०७७ असार १७ गते ती युवतीलाई बलात्कार गरेको अरोपमा वनलाई प्रहरीले असार १८ गते पक्राउ गरेको थियो । प्रहरीले अनुसन्धान पूरा गरी जिल्ला सरकारी वकिलको कार्यालयमार्फत साउन ११ गते जिल्ला अदालत बागलुङमा जबर्जस्ती करणी शीर्षकमा मुद्दा दर्ता गरेको थियो । वन जिल्ला अदालत बागलुङको साउन १२ गतेको आदेशले हालसम्म जिल्ला कारागार बागलुङमा पुर्पक्षका लागि थुनामा रहेका थिए ।

विभिन्न मुद्दाका फरार नौ प्रतिवादीलाई जिल्ला प्रहरी कार्यालय कञ्चनपुरले पक्राउ गरेको छ । एक साताको अवधिमा प्रहरीले नौ प्रतिवादीलाई पक्राउ गरेको जनाएको छ ।

पक्राउ परेकामध्ये केहीलाई कञ्चनपुर जिल्ला अदालतमा उपस्थित गराई कैद भुक्तानका लागि कारागार चलान गरिएको छ भने केहीलाई अदालतमा उपस्थित गराई जरिवाना तिराई छाडिएको छ । जिल्ला प्रहरी कार्यालय कञ्चनपुरका प्रहरी नायब उपरीक्षक अमरबहादुर थापा क्षेत्रीका अनुसार चेक अनादर मुद्दामा दोषी ठहर भएका भीमदत्त नगरपालिका–१८ का २४ वर्षीय अनिल रिजाल, लागुऔषध मुद्दाका भीमदत्त नगरपालिका–३ का २३ वर्षीय दिवश कुँवर, चोरी मुद्दाका पुनर्वास नगरपालिका–६ का मनिष विकलाई पक्राउ गरी अदालतमार्फत कैद भुक्तानका लागि कारागार चलान गरिएको छ ।

यसैगरी अंश मुद्दाका फरार प्रतिवादी कृष्णपुर नगरपालिका–६ का उदयराज जोशी, जयराज जोशी र धनिराज जोशीलाई अदालतमा उपस्थित गराई जरिवाना तिराई छाडिएको छ । भ्रष्टाचार मुद्दाका भीमदत्त–४ का महिमान सिंह विष्टलाई समेत जरिवान तिराई छाडिएको छ । मानव बेचविखन तथा ओसारपसार कसुर मुद्दामा वारदातपश्चात् भागी फरार रहेका प्रतिवादी पुनर्वास–६ का २४ वर्षीय चन्द्र विक सुनार, वर्ष २२ का आशा सुनार र सोही ठाउँ बस्ने वर्ष २४ का गुड्डु सुनारको हकमा अदालतबाट पक्राउ पुर्जी जारी भई खोजतलास भइरहेको छ ।

फरार प्रतिवादीमध्ये चन्द्र विकलाई प्रहरीले पक्राउ गरी अनुसन्धान गरिरहेको छ । सवारी ज्यान मुद्दामा तीन वर्षदेखि फरार पुनर्वास–९ बिचफाँटाका ४५ वर्षीय लिला सुनार र वर्ष २४ का सागर विकको हकमा अदालतबाट पक्राउ पुर्जी जारी भएकोमा सागर विकलाई प्रहरीले पक्राउ गरेको छ ।

संसारमा कहिलेकाहीं अनाैठा घटना हुन्छन् । मध्यपूर्वी मुलुक इराकमा हालै मानव इतिहासकै पहिलो र अनौठो घटना भएको छ । त्यहाँ तीनवटा यौनाङ्ग भएको बच्चा जन्मिएको छ ।

इराकको मोसुल शहरमा अनौठो शारीरिक विकृतिसहितको बच्चा जन्मिएको हो। उक्त बच्चाको शरीरमा तीनवटा लिङ्ग भएको पाइएको छ ।

हुन त संसारका जुनसुकै ठाउँमा बसोबास गर्नेहरुले पनि विभिन्न नियम कानून तथा शर्तहरु पालना गर्नुपर्दछ। तर यो दुनियाँमा एउटा यस्तो ठाउँ छ, जहाँ बस्नका लागि आफ्नो शरीरको एउटा अंग नै काटेर फ्याक्नुपर्दछ।

हो, अन्टार्कटिका महादेशमा पर्ने भिल्ला लस एस्ट्रेलस नामक गाउँमा जान र बस्नका लागि शरीरको एउटा अंग काट्नै पर्दछ । उक्त गाउँमा गएर बस्न योग्य हुनका लागि काटेर फ्याँक्नुपर्ने अंग चाहिं एपेन्डिक्स हो, जुन ठूलो आन्द्राको एक भाग हो । जसलाई शरीरको अनावश्यक अंग मानिन्छ ।

उक्त गाउँ निकै विकट भएको हुँदा यथेष्ट सुविधाहरुको अभाव छ । तर किराना पसलदेखि बैंक, स्कूल, हुलाक र सानो अस्पताल चाहिं त्यहाँ छन् । स्कूलमा आधारभूत शिक्षा प्रदान गरिए पनि अस्पतालमा भने निकै सामान्य औषधि उपचार मात्र हुन्छ ।

हुन त अन्टार्कटिकामा एउटा ठूलो र सुविधा सम्पन्न अस्पताल पनि छ । तर उक्त अस्पताल भिलस लस एन्ट्रेलस गाउँभन्दा १ हजार किलोमिटर टाढा छ । त्यसैले यदि त्यहाँ कसैलाई एपेन्डिक्स दुख्ने समस्या उत्पन्‍न भएमा उपचार नपाएर ज्यान नै जाने जोखिम हुन्छ ।

उक्त गाउँ निकै विकट भएको हुँदा यथेष्ट सुविधाहरुको अभाव छ । तर किराना पसलदेखि बैंक, स्कूल, हुलाक र सानो अस्पताल चाहिं त्यहाँ छन् । स्कूलमा आधारभूत शिक्षा प्रदान गरिए पनि अस्पतालमा भने निकै सामान्य औषधि उपचार मात्र हुन्छ ।

हुन त अन्टार्कटिकामा एउटा ठूलो र सुविधा सम्पन्न अस्पताल पनि छ । तर उक्त अस्पताल भिलस लस एन्ट्रेलस गाउँभन्दा १ हजार किलोमिटर टाढा छ । त्यसैले यदि त्यहाँ कसैलाई एपेन्डिक्स दुख्ने समस्या उत्पन्‍न भएमा उपचार नपाएर ज्यान नै जाने जोखिम हुन्छ ।

यो गाउँ बाह्रै महिना हिउँले ढाकिएको हुन्छ । गाउँमा सार्वजनिक यातायातको राम्रो सुविधा छैन। त्यहाँ पुग्नका लागि ट्रक तथा र्‍याफ्टिङ बोटको प्रयोग गर्नुपर्दछ । त्यहाँको तापक्रम सधैं माइनसमा रहन्छ । तर पनि अन्टार्कटिकाभित्रको त्यो तुलनात्मक रुपमा गर्मी ठाउँ मानिन्छ ।

अनलाईनखबर बाट साभार

क्यानडामा एकजना १० वर्षे बालकले संसारकै सबैभन्दा लामो दूधे दाँतको विश्व कीर्तिमान कायम गरेका छन् । ल्यूक बोल्टन नामका ती बालकको २.६ सेन्टिमिटर लामो दुधे दाँत निकालिएको हो ।

क्रिस म्याक आर्थर नामका डाक्टरले सन् २०१९ मा उक्त दाँत निकालिदिएका थिए । त्यतिबेला बोल्टन ८ वर्षका थिए । गिनिज बुकमा नाम दर्ज गराउने प्रयोजनका लागि उनको उक्त दाँत सुरक्षित राखिएको थियो ।

भारतीय हास्यकलाकार कपिल शर्मा इन्डष्ट्रिको एक चर्चित नाम हो । कपिल शर्माको चर्चित ‘द कपिल शर्मा शो’ यसै वर्ष फेब्रुअरीदेखि बन्द भएको छ । यो कुराले कपिलका प्रशंसकलाई एक किसिमको खालीपन दिएको छ । कपिललले ट्वीटरमा हालै शो पुनः सुरु हुन लागेको बारे घोषणा गरेका थिए । उनको शो सन् २०२१ मेदेखि पुनः प्रशारणमा आउनेछ । यसैबीच कपिलका एक प्रशंसकले सोसल मिडियामा उनीसँग काम गर्ने इच्छा व्यक्त गरे । प्रशंसकको यो प्रश्नमा कपिलको जवाफ हाल चर्चाको विषय बनेको छ ।

मंगलबार बेलुका कपिलले आफ्ना थुप्रै प्रशंसकको प्रश्नको जवाफ दिए । यसै क्रममा कपिल शर्मालाई एक प्रशंसकले सोधे, ‘म तपाईंसँग काम गर्न चाहन्छु । के मैले मौका पाउन सक्छु ?’ कपिलले यसको आफ्नै शैलीमा जवाफ दिँदै लेखे, ‘म त अहिले आफैं घरमा बसिरहेको छु भाइ ।’

स्मरण रहोस्, यसअघि सोसल मिडियामा एउटा पोस्टमार्फत् कपिलले आफ्नो शोमा नयाँ कलाकार र लेखकलाई काम दिने कुरा गरेका थिए । कपिल शर्माले हालै ट्वीटरमा एउटा पोस्ट गरेका थिए । कपिलले आफ्नो छनोट भएको र अब तपाईंको पालो भन्दै  पोस्ट गरेका थिए । कपिलले एउटा पोस्ट रिट्वीट गर्दै लेखेका थिए, ‘कपिल शर्माको टीमले राइटर र एक्टर खोजिरहेको छ, पूरा हिन्दुस्तानलाई हसाउने तपाईंको लागि यो मौका हो । ’

रातोपाटीबाट साभार

हरेक वर्ष ७ अप्रिलमा विश्व स्वास्थ्य दिवस मनाइन्छ । यो दिन मनाउनुको मुख्य उद्देश्य स्वास्थ्यप्रति मानिसहरुलाई जागरुक बनाउनु हो । एक स्वस्थ शरीरका लागि शारीरिक नभई मानसिक रुपमा पनि फिट हुन आवश्यक छ । आफ्नो जीवनशैलीमा यी पाँच कुरा अपनाएर तपाईं आफूलाई पूर्ण रुपमा स्वस्थ राख्न सक्नुहुन्छ ।

स्वस्थ रहनका लागि सबैभन्दा आवश्यक भनेको स्वस्थ खानपिन आवश्यक पर्छ । एकदिनमा कम्तीमा तीन स्वस्थ र पौष्टिक खाना खानुहोस् । बेलुकाको खाना सधैं हल्का खानुहोस् । आफ्नो खानामा धेरै फलफूल समावेश गर्नुहोस् । साग सब्जी, हेल्दी फ्याट र प्रोटिनले भरपुर खानेकुरा आफ्नो खानामा समावेश गर्नुहोस् ।