काठमाडौं। इङ्ल्यान्ड युरो कप २०२४ को सेमिफाइनलमा प्रवेश गरेको छ। तेस्रो क्वार्टरफाइनल खेलमा स्विट्जरल्यान्डलाई टाइब्रेकरमा ५-४ ले हराउँदै इङ्ल्यान्डले सेमिफाइनलको यात्रा तय गरेको हो।
निर्धारित ९० मिनेट र अतिरिक्त समय पनि १-१ को बराबरीमा सकिएपछि खेल पेनाल्टी शूटआउटले निर्धारण भएको थियो।
त्यसअघि निर्धारित समस्याको ७५औं मिनेटमा ब्रिल एम्बोलोले स्विट्जरल्यान्डलाई अग्रता दिलाएका थिए।
८०औं मिनेटमा इङ्ल्यान्डले बराबरी गोल गर्यो। डेकलान राइसको पास लिएर बक्स बाहिरबाट बुकायो साकाले उत्कृष्ट गोल गर्दै खेल बराबरीमा ल्याएका थिए।
इङ्ल्यान्डले अब सेमिफाइनलमा नेदरल्याण्ड्ससँग भिड्ने छ। अर्को सेमिफाइनलमा फ्रान्स र स्पेन भिड्ने पक्का भइसकेको छ।
