काठमाडौं: पाँचौ मिस्टर काठमाडौं शारीरिक सुगठनको उपाधि जितेको चार दिनमै विजेता प्रकाश राईको निधन भएको छ।
गत शनिबार मात्र शारीरिक सुगठन प्रतियोगितामा स्वर्ण जितेका ४५ वर्षीय राईको हृदयघातका कारण आज बुधबार बिहान निधन भएको हो।
स्वास्थ्यमा समस्या भएपछि तत्काल धापासीमा रहेको ग्रान्डी अस्पताल पुर्याइएको थियो । तर, उपचारका क्रममा उनको निधन भएको अस्पतालले जनाएको छ।
मोरङको पथरी १ घर भएका राईले ७५ केजी माथिको तौल समूहमा प्रतिस्पर्धा गर्दै पछि ओभरल भिडन्तमा मिस्टर काठमाडौंको उपाधि जितेका थिए।
