भद्रपुर (झापा): दोस्रो संस्करणको भद्रपुरझापा गोल्डकपको उपाधिका लागि आज मेची रंगशालामा आयोजक भद्रपुर ब्लेजर्स र झापा–११ आमनेसामने हुँदैछन्।
झापा–११ ले भुटानको डागा युनाइटेड फुटबल क्लबलाई पराजित गर्दै फाइनलमा स्थान सुरक्षित गरेको हो, जबकि आयोजक भद्रपुर ब्लेजर्सले बङ्गलादेशको काउर्न बाजार प्रगति सङ्घलाई हराउँदै उपाधि दौडमा प्रवेश गरेको हो।
प्रतियोगितामा नेपालसहित भारत, भुटान र बङ्गलादेशका १० टोली सहभागी थिए। उपाधि विजेताले रु १३ लाख नगद पुरस्कार प्राप्त गर्नेछन् भने उपविजेता टोलीलाई रु सात लाख प्रदान गरिनेछ।
