काठमाडौं । नेपाल प्रहरी प्रधान कार्यालयले जनपद प्रहरी समूहतर्फ खुला प्रतियोगिताबाट पदपूर्ति गरिने प्रहरी निरीक्षक (इन्स्पेक्टर) पदको माग सङ्ख्या बढाएको छ।
प्रधान कार्यालयले २०८२ मंसिर २६ गते प्रकाशित विज्ञापन संशोधन गर्दै थप ८ वटा सिट समावेश गरेको जनाएको छ। यससँगै अब कुल २९ जना प्रहरी निरीक्षक पदमा भर्ना गरिनेछ।
प्रहरीका अनुसार सर्वोच्च अदालतको परमादेशअनुसार आर्थिक वर्ष २०७९/८० मा समावेशी समूहअन्तर्गत समावेश हुन नसकी गुमेका पदहरूको क्षतिपूर्तिस्वरूप थप पद समावेश गरिएको हो।
समावेशी व्यवस्थाअनुसार पदहरूको समायोजन गरी प्रचलित कानुनबमोजिम नै भर्ना प्रक्रिया अघि बढाइने नेपाल प्रहरीले जनाएको छ।
