Homeखेलकुदपोखरा स्पोर्टस अवार्डको तयारी पूरा

पोखरा स्पोर्टस अवार्डको तयारी पूरा

पोखरा । पोखरा स्पोर्ट्स अवार्डको तयारी पूरा भएको छ । उक्त अवार्डमा यस वर्ष विभिन्न ७ विधामा खेलाडी, पत्रकार र खेल सङ्घहरू सम्मानित हुने पोखरा अवार्ड समितिले जनाएको छ।

उक्त अवार्डमा वर्ष खेलाडी महिला र पुरुष, उदीयमान खेलाडी, उत्कृष्ट प्रशिक्षक, खेल संस्था वा क्लब, लाइफ टाइम एचिभमेण्ट र उत्कृष्ट पत्रकारलाई सम्मान गरिने समितिका अध्यक्ष दीननाथ बरालले जानकारी दिए ।

लाइफ टाइम अचिभमेण्ट यो वर्ष एथलेटिक्स प्रशिक्षक इन्द्रा मल्ललाई प्रदान गरिनेछ भने उत्कृष्ट खेल संघको रूपमा सहारा क्लब पोखरा, उत्कृष्ट पत्रकारमा रोहितराज पराजुलीलाई सम्मान गरिनेछ । अचिभमेण्ट अवार्ड चाँदीको करुवा, ट्रफी र ताम्रपत्रले सम्मान गरिने बरालले जानकारी दिए ।

खेल संघ, उत्कृष्ट प्रशिक्षक र पत्रकारलाई ३५ हजारका दरले पुरस्कार प्रदान गरिनेछ । वर्ष खेलाडीहरू दुवै विधामा स्कुटर पुरस्कार दिइनेछ । यसैगरी, ओलम्पियन नारायण गुरुङ र टेनिसका अन्तर्राष्ट्रिय वरियता खेलाडी अभिषेक बास्तोलालाई स्पेसल अवार्ड प्रदान गरिनेछ ।

वर्ष खेलाडीका रूपमा पुरुषतर्फ क्रिकेटका अर्जुन कुमाल, टेनिसका प्रदीप खड्का र भलिबलका हिमाल सुनारी तथा महिलातर्फ आइटिएफ तेक्वान्दोकी सुस्मिता थापामगर, आर्चरीकी अनुश्का शेरचन र भलिबलकी अरुणा शाही मनोनयनमा परेका छन् ।

 

सम्बन्धित समाचार

LEAVE A REPLY

Please enter your comment!
Please enter your name here

- Advertisment -spot_img

ताजा समाचार

धेरै कमेन्ट गरिएका