यस साताको शुरुदेखि घटेको बजार मंगलबार भने केहि सुधार देखिएको छ । मंगलबार शेयरबजार परिसूचक नेप्से २.६८ अंकले बढ्दा २६६४.६२ अंकको विन्दुमा आजको बजार बन्द भएको छ ।
झिनो अंकले बढेको बजारमा शेयरबजारका सबै सूचकहरुमा हरियाली छाएको छ । क वर्गका कम्पनीको कारोबार मापन गर्ने सेन्सिटिभ परिसूचक पनि ०.५० अंकले बढ्दा ४७९.६० अंकको विन्दुमा बन्द भएको छ ।
मंगलबार २ सय १६ कम्पनीको ६५ हजार ७ सय ९३ पटकको कारोबारमा १ करोड २३ लाख ६९ हजार ५ सय १ कित्ता शेयरको व्यापार हुँदा ५ अर्ब ५३ करोड ८६ लाख १७ हजार ६ सय ४० रुपैयाँ ४९ पैसा बराबरको कारोबार भएको छ ।
मंगलबार कारोबार संख्याका आधारमा नेपाल इन्फ्रनस्टकचर बैंकको सर्वाधिक ४ हजार ४ सय २२ पटक कारोबार भएको छ । उक्त कम्पनी कारोबार रकमका आधारमा १९ करोड ८६ लाख ७२ हजार ६ सय ६५ रुपैयाँको कारोबार सिहत दोस्रो स्थानमा रहेको छ ।
मंगलबार नागरीक लगानी कोषको सर्वाधिक २१ करोड ४२ लाख ८९ हजार ३ सय ६८ रुपैयाँ बराबरको कारोबार भएको छ ।
झिनो अंकले बढेको बजारमा ४ कम्पनीको शेयरमूल्य सर्किट लेभलमा कारोबार भएको छ । यूनाईटेड मोदि, महिला लघुवित्त, ज्योती लाईफ र हिमालयन उर्जा कम्पनीको शेयर सर्किट लेभलमा कारोबार भएको छ । मंगलबार समृद्धि फाइनान्सका लगानीकर्ताले सर्वाधिक २ दशमलव ४७ प्रतिशतले गुमाएका छन् ।
० दशमलव १० प्रतिशतले बढेको बजारमा ४ समूहको परिसूचक घट्दा बाँकि ९ समूहको परिसूचक बढेर बन्द भएका छन् ।
मंगलबारको बजार बन्द हुँदा नेप्सेको बजार पूँजीकरण ३६ खर्ब ८९ अर्ब ६९ करोड ७५ लाख ६८ हजार ९ सय २२ रुपैयाँ ५ पैसा कायम भएको छ ।
० दशमलव १० प्रतिशतले बढेको बजारमा १ सय ७ कम्पनीको शेयर मूल्य बढ्दा ५६ कम्पनीको शेयरमूल्य घटेको छ । बाँकि १८ कम्पनीको शेयर मूल्य भने स्थीर रहेको छ ।
