काठमाडौं। काठमाडौंको तीनकुने क्षेत्र तथा आसपासका क्षेत्रमा स्थानीय प्रशासनले कर्फ्यू आदेश जारी गरेको छ।
जिल्ला प्रशासन कार्यालय काठमाडौंका प्रवक्ता अशोक कुमार भण्डारीका अनुसार शुक्रबार दिउँसो ४ बजेदेखि राति १० बजेसम्मका लागि कर्फ्यू लगाइएको हो।
प्रशासनले कर्फ्यू क्षेत्र निर्धारण गर्दै गौशालादेखि एअरपोर्ट, गैरीधारा हुँदै तीनकुने र कोटेश्वरसम्म, कोटेश्वरदेखि जडिबुटी पुलसम्म, कोटेश्वरदेखि बालकुमारी पुलसम्म, तथा बानेश्वर चोकदेखि शंखमुल चोकसम्म कर्फ्यू लागू हुने जनाएको छ।
यसैगरी, गौशाला चोकदेखि पुरानो बानेश्वर हुँदै नयाँ बानेश्वर चोकसम्म पनि स्थानीय प्रशासनले कर्फ्यू आदेश जारी गरेको छ।
