काठमाडौं: शुक्रबार बिहान काठमाडौंसहित देशका विभिन्न भागमा भूकम्पको धक्का महसुस गरिएको छ। बिहानै शक्तिशाली कम्पन महसुस हुँदा सर्वसाधारण त्रसित बनेका थिए।
राष्ट्रिय भूकम्प मापन केन्द्रका अनुसार बिहान २:५१ मा ६.१ म्याग्निच्युडको भूकम्प गएको पुष्टि गरिएको छ। भूकम्पको केन्द्रविन्दु सिन्धुपाल्चोकको भैरवकुण्ड आसपास क्षेत्र रहेको जनाएको छ। हालसम्म भूकम्पबाट भएको क्षतिको विस्तृत विवरण प्राप्त भएको छैन।
यसअघि, गत पुष ५ गते बाजुरालाई केन्द्रबिन्दु बनाएर ५.२ म्याग्निच्युडको भूकम्प गएको थियो। त्यसयता, चार म्याग्निच्युडभन्दा माथिका एक दर्जन हाराहारीमा परकम्प गइसकेका छन्।
