काठमाडौं । प्रतिनिधिसभा निर्वाचनअन्तर्गत समानुपातिकतर्फको मतगणना अन्तिम चरणमा पुगेको छ। हालसम्मको नतिजाअनुसार प्रत्यक्षतर्फ १२५ सिट जितेको राष्ट्रिय स्वतन्त्र पार्टी (रास्वपा) समानुपातिकतर्फ पनि स्पष्ट अग्रस्थानमा देखिएको छ।
पछिल्लो मतपरिणामअनुसार रास्वपाले ५१ लाख ३५ हजार ६२१ मत प्राप्त गरेको छ। दोस्रो स्थानमा रहेको नेपाली कांग्रेसले १७ लाख ४७ हजार ७३७ मत पाएको छ भने तेस्रो स्थानमा रहेको नेकपा (एमाले) ले १४ लाख ४ हजार ३१ मत प्राप्त गरेको छ।
चौथो स्थानमा रहेको नेकपाले १० लाख ३ हजार ६२७ मत प्राप्त गरेको छ। पाँचौं स्थानमा रहेको संस्कृति पार्टीले ३ लाख ७ हजार ५७ मत पाएको छ भने छैटौं स्थानमा रहेको राष्ट्रिय प्रजातन्त्र पार्टी (राप्रपा) ले ३ लाख २९ हजार ४५७ मत ल्याउँदै थ्रेसहोल्ड कटाएको छ।
समानुपातिकतर्फ हालसम्म कुल १ करोड ७ लाख ३० हजार ५५१ मत गणना भइसकेको छ। प्रत्यक्षतर्फको नतिजा भने सोमबार नै सार्वजनिक भइसकेको थियो।
यसअघि राष्ट्रिय दलको मान्यता पाएका मधेशवादी दलहरू भने यसपटक निकै पछि परेका छन्। जनता समाजवादी पार्टी (जसपा) नेपालले १ लाख ७४ हजार ३०६ मत प्राप्त गर्दा जनमत पार्टीले ७ हजार ९४९ मत मात्रै पाएको छ। जनमत पार्टीभन्दा अघि रहेको राष्ट्रिय परिवर्तन पार्टीले १ लाख ७१ हजार ४९७ मत प्राप्त गरेको छ।
