काठमाडौँ: नेपाली कांग्रेसका सभापति शेरबहादुर देउवाले सत्ता गठबन्धनभित्र कुनै पनि विवाद नरहेको बताएका छन्।
थाइल्यान्डको भ्रमण सकेर शुक्रबार काठमाडौँ फर्किएका देउवाले त्रिभुवन अन्तर्राष्ट्रिय विमानस्थलमा सञ्चारकर्मीहरूसँग कुराकानी गर्दै गठबन्धनमा खटपटको चर्चा निराधार भएको बताए।
“गठबन्धनभित्र केही समस्या आएको हो?” भन्ने प्रश्नमा देउवाले स्पष्ट पार्दै भने, “त्यस्तो केही होइन। सत्ता समीकरण परिवर्तन हुने चर्चा पनि सत्य होइन।”
सभापति देउवा पत्नी आरजु राणा देउवासहित पारिवारिक भ्रमणमा थाइल्यान्ड गएका थिए।
