काठमाडौं। रुपन्देही जिल्ला अदालतले सहकारी ठगी मुद्दाका प्रतिवादी रवि लामिछानेलाई धरौटीमा छाड्ने आदेश दिएको छ।
जिल्ला अदालत रुपन्देहीका न्यायाधीश प्रह्लाद योगीको इजलासले लामिछानेलाई १ करोड रुपैयाँ धरौटीमा रिहा गर्न आदेश दिएको हो। राष्ट्रिय स्वतन्त्र पार्टीका सभापति तथा पूर्वप्रधानमन्त्री एवं गृहमन्त्री रहेका लामिछाने बुटवलको सुप्रिम सहकारी ठगी प्रकरणका मुख्य प्रतिवादी हुन्।
सहकारी ठगी मुद्दामा लामिछानेलाई अहिलेसम्मकै सबैभन्दा बढी धरौटी तोकिएको हो। यसअघि उनले पोखराको सूर्यदर्शन सहकारी ठगी प्रकरणमा कास्की जिल्ला अदालतबाट ६५ लाख र कालिमाटीको स्वर्णलक्ष्मी सहकारी ठगी प्रकरणमा काठमाडौं जिल्ला अदालतबाट ६० लाख रुपैयाँ धरौटी तिरेर रिहा भएका थिए।
