काठमाडौं: राष्ट्रियस्तरको सौन्दर्य प्रतियोगिता ‘ब्ल्याक डाइमण्ड ब्युटिसियन नेपाल–२०२५’ को उपाधि काठमाडौं सुकेधाराकी सुष्मा दाहाल ले जित्न सफल भएकी छन्। ताजसँगै उनले एन.एफ.इ.ए अवार्ड २०२५ मा सहभागी हुन जापान जाने अवसर प्राप्त गरेकी छन्। साथै, टाइटल स्पोन्सर ‘ब्ल्याक डाइमण्ड’ का तर्फबाट एक लाख रुपैयाँ बराबरको छात्रवृत्ति प्याकेज पनि जितेकी छन्।
बिहीबार राजधानीको ज्यापु प्रज्ञा एकेडेमीमा सम्पन्न प्रतियोगितामा सुशीला राई फर्स्ट रनरअप तथा प्रीति खड्का सेकन्ड रनरअप घोषित भए। उनीहरूले क्रमशः ५० हजार र २५ हजार रुपैयाँ बराबरको छात्रवृत्ति प्याकेज प्राप्त गरे।
एघारौं संस्करण सम्पन्न भएको यो प्रतियोगिता हिमालयन मुभिज द्वारा आयोजित हो। प्रतियोगिता आकर्षक ब्राइडल फेसन सो, पोशाक प्रदर्शनी, प्रश्नोत्तर चरण, र विभिन्न अन्य प्रतिस्पर्धात्मक चरणहरूसहित सम्पन्न भएको थियो। चर्चित फेसन कोरियोग्राफर हिमानी सुब्बाको निर्देशन मा तीन सातासम्म प्रतियोगीहरूलाई व्यक्तित्व विकास, स्टेज प्रस्तुति, क्याटवाक, बोलीचाली सुधार, र बौद्धिक क्षमता विकास सम्बन्धी तालिम दिइएको थियो।
विभिन्न विधामा विजेता
प्रतियोगितामा विभिन्न विधामा उत्कृष्ट भएका सौन्दर्यकर्मीहरू:
वेस्ट ब्राइडल – सन्जु फागो
वेस्ट मेकअप – कल्पना विक
वेस्ट नेल आर्ट – सुशीला राई
वेस्ट जुरो – गंगा श्रेष्ठ
अन्य विशेष टाइटल अवार्ड विजेता
मोस्ट इन्टिलिजेन्ट – सुष्मा दाहाल
वेस्ट फोटोजेनिक – सन्जु फागो
मोस्ट कन्फिडेन्ट – प्रीति खड्का
मोस्ट एक्टिभ – पवित्रा न्यौपाने
मोस्ट डेलिकेट – कोपिला राई
मोस्ट चार्मिङ – बबिता राई
मोस्ट डिलिजेन्ट – अनिता राई
वेस्ट पर्सनालिटी – रमिला कुस्वार
मोस्ट स्मार्ट – कला राई
मोस्ट प्यासेनेट – सन्ध्या श्रेष्ठ
मोस्ट अट्र्याक्टिभ – सुप्रिया सुवेदी
पब्लिक च्वाइस भिडियो – प्रीति खड्का
मोस्ट पपुलर – रमिला कुस्वार
पपुलर च्वाइस – कोपिला राई
प्रतियोगितामा कलाकारहरूले आकर्षक नृत्य प्रस्तुत गरेका थिए। निर्णायक मण्डलमा अभिनेता एसराज गराज, कस्मेटोलोजिस्ट डा. रेखा थापा, मिसेस नोवेल नेपाल २०१४ सन्ध्या लामिछाने, एस्थेटिसियन डा. युनिसा शाही, र सौन्दर्यकर्मी अप्सरा न्यौपाने रहेका थिए।
नेपाली ब्युटिसियनहरूको पेशागत विकास र प्रतिभा प्रस्फुटन गराउने मंचको रूपमा प्रतियोगिता विगत एक दशकदेखि आयोजना हुँदै आएको आयोजक पक्षले जानकारी दिएको छ।
