काठमाडौँ, ३० जेठ: जिल्ला अदालत काठमाडौँले आपराधिक उपद्रवको आरोपमा दुर्गा प्रसाईँसहित सात जनालाई पुर्पक्षका लागि थुनामा पठाउने आदेश दिएको छ।
न्यायाधीश ध्रुवराज कार्कीको इजलासले बिहीबार राति चैत १५ गते तीनकुनेमा भएको घटनासँग सम्बन्धित मुद्दामा प्रसाईँसहित सात जनालाई थुनामा राख्न आदेश दिएको हो। सोही घटनामा संलग्न अन्य ३२ जनालाई भने अदालतले रु १० हजारदेखि रु एक लाखसम्म धरौटीमा रिहा गर्न आदेश दिएको छ।
