काठमाडौं: नेपाली कांग्रेसका सभापति शेरबहादुर देउवाले मकर संक्रान्तिको अवसरमा शुभकामना व्यक्त गरेका छन्। मंगलबार जारी शुभकामना सन्देशमा उनले नेपालका भौगोलिक, जातीय, र सांस्कृतिक विविधताले भरिपूर्ण पर्वहरूले सामाजिक सद्भाव बढाउन र सबै जातजाति, धर्म, वर्ग, तथा पेशा अबलम्बन गर्ने नेपालीहरूबीच सुमधुर सम्बन्ध स्थापित गर्न महत्त्वपूर्ण योगदान गर्ने बताएका छन्।
सभापति देउवाको सन्देशमा भनिएको छ, “मकर संक्रान्ति÷माघे संक्रान्ति नेपालका विभिन्न जातजातिहरूले विशेष पर्वका रूपमा मनाउँदै आएका छन्। यस्ता पर्वहरूले सामाजिक सद्भाव बढाउन, विविधतामा एकता कायम गर्न, र राष्ट्रिय भावना जागृत गर्न उल्लेखनीय भूमिका निर्वाह गरेका छन्।”
उनले यस अवसरमा थारु समुदायलगायत अन्य समुदायका सम्पूर्ण दिदीबहिनी र दाजुभाइहरूलाई पार्टी र आफ्नो तर्फबाट सुख, शान्ति, र समृद्धिको शुभकामना व्यक्त गरेका छन्। साथै, यस पर्वले सबै नेपालीबीच आपसी सम्बन्ध थप सुमधुर बनाउने विश्वास समेत व्यक्त गरेका छन्।
