काठमाडौं । पुष्पकमल दाहाल ‘प्रचण्ड’ नुवाकोटका उम्मेदवारद्वारा आयोजना गरिने मतदाता भेटघाट कार्यक्रममा सहभागी हुने भएका छन्।
नेपाल कम्युनिस्ट पार्टीका संयोजक प्रचण्ड शुक्रबार बालाजुस्थित अनुपमद्वार पार्टी भेन्यूमा आयोजित कार्यक्रममा उपस्थित रहने जनाइएको छ। कार्यक्रम दिउँसो १२ः३० बजे सुरु हुनेछ।
नुवाकोट–काठमाडौं सम्पर्क समन्वय समितिको आयोजनामा हुन लागेको उक्त कार्यक्रममा नुवाकोटका दुवै निर्वाचन क्षेत्रका उम्मेदवारहरूको उपस्थिति रहनेछ। समितिका अनुसार मतदाता भेटघाटसहित काठमाडौं केन्द्रित वृहत् चुनावी कार्यक्रम सञ्चालन गरिनेछ।
कार्यक्रममा पार्टी नेता–कार्यकर्ता, शुभेच्छुक तथा नुवाकोटबाट काठमाडौंमा बसोबास गर्दै आएका मतदाताको उल्लेखनीय सहभागिता रहने अपेक्षा गरिएको छ।
