काठमाडौं । फागुन २१ गते हुने प्रतिनिधि सभा सदस्यको निर्वाचनका दिन देशभरका आन्तरिक हवाई उडानहरू आवश्यकताका आधारमा सञ्चालन गरिने भएको छ।
नेपाल नागरिक उड्डयन प्राधिकरणले मंगलबार सूचना जारी गर्दै सार्वजनिक बिदाका बीच पनि अत्यावश्यक यात्रु सेवा र हवाई आवतजावतलाई ध्यानमा राखी आन्तरिक उडानहरू आवश्यकताअनुसार सञ्चालन गरिने जनाएको हो।
प्राधिकरणका अनुसार मध्यपूर्वी गन्तव्यतर्फका उडान भने सम्बन्धित देशको निर्णय र उडान हुने विमानस्थलको अवस्थालाई आधार मानेर सञ्चालन गरिनेछन्। ती उडानहरू वायुसेवा कम्पनीहरूले सार्वजनिक गर्ने संशोधित उडान तालिकाअनुसार हुने जनाइएको छ।
