काठमाडौं । नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ स्वास्थ्य समस्याका कारण ललितपुरस्थित मेडिसिटी अस्पतालमा भर्ना भएका छन्।
पछिल्ला तीन दिनदेखि सामान्य रुघाखोकी र ज्वरोको समस्या देखिएपछि उनी गणतन्त्र दिवसको कार्यक्रममा समेत सहभागी हुन सकेका थिएनन्।
स्वास्थ्य परीक्षणका क्रममा उनमा निमोनिया तथा रगतमा संक्रमण देखिएको बताइएको छ। चिकित्सकहरूको सुझावअनुसार अस्पतालमै राखेर उपचार गर्दा सुरक्षित हुने निष्कर्षपछि उनलाई भर्ना गरिएको उनका स्वकीय सचिव गोविन्द आचार्यले जानकारी दिएका छन्।
स्वकीय सचिव आचार्यका अनुसार अस्पतालमा उपचार भइरहेको भए पनि प्रचण्डको स्वास्थ्य अवस्था हाल सामान्य रहेको छ।
