धावनमार्ग मर्मत सम्भार गर्नुपर्ने भएपछि आगामी साताबाट सुर्खेत विमानस्थलमा भइरहेको उडान–अवतरण बन्द हुने भएको छ ।
यहाँ काठमाडौंबाट भइरहेका उडान र सुर्खेतबाट पहाडी इलाकामा हुने उडान समेत केही साता बन्द हुने भएको हो । सुर्खेत विमानस्थलको उडान बन्द हुने भएपछि विकल्पमा नेपालगन्ज विमानस्थलमा दैनिक थप एक उडान हुने बुद्ध एयरले जनाएको छ ।
अब नेपालगन्जमा बुद्धले दैनिक ६ वटा उडान गर्ने भएको छ । यात्रुलाई सुर्खेत विमानस्थलको नजिकको विकल्प रोज्न सहज होस भनी नेपालगन्जमा उडान थपेको कम्पनीको भनाई छ ।
सुर्खेत संघीय राजधानी काठमाडौंलाई कर्णालीसँग हवाईमार्गले जोड्ने एक मात्र विमानस्थल हो ।
