काठमाडौं: हाल देशभर पश्चिमी वायु र स्थानीय वायुको आंशिक प्रभाव रहेको मौसम पूर्वानुमान महाशाखाले जनाएको छ। यसको असरले कोशी, मधेस, तथा देशका पहाडी भूभागमा आंशिकदेखि सामान्य बदली देखिएको छ।
आज दिउँसो कोशी, लुम्बिनी, मधेस लगायत देशका पहाडी क्षेत्रहरूमा आंशिकदेखि सामान्य बदली रहनेछ भने बाँकी भूभागमा मौसम मुख्यत: सफा रहनेछ। कोशी, मधेस, बागमती, गण्डकी, र कर्णाली प्रदेशका केही पहाडी स्थानहरूमा तथा अन्य पहाडी क्षेत्रमा एक-दुई स्थानमा चट्याङ्गसहित हल्का वर्षा हुन सक्ने सम्भावना छ। उच्च पहाडी तथा हिमाली क्षेत्रमा पनि एक-दुई स्थानमा हल्का हिमपातको सम्भावना रहेको छ।
आज राति पनि कोशी, मधेस, गण्डकी, र कर्णाली प्रदेशका केही स्थानहरूमा हल्का वर्षा हुन सक्नेछ भने उच्च पहाडी तथा हिमाली क्षेत्रमा हल्का हिमपातको सम्भावना छ।
मौसम पूर्वानुमान महाशाखाले कोशी, मधेस, गण्डकी, बागमती, र कर्णाली प्रदेशका केही स्थानहरूमा चट्याङ्गसहित हल्का वर्षा र उच्च पहाडी तथा हिमाली क्षेत्रमा हिमपातको सम्भावना रहेको हुँदा दैनिक जनजीवन, कृषि, स्वास्थ्य, सडक तथा हवाई यातायातमा आंशिक प्रभाव पर्न सक्ने भन्दै सतर्कता अपनाउन अनुरोध गरेको छ।
