काठमाडौँ: काठमाडौँ जिल्ला अदालतले मेडिकल व्यवसायी दुर्गा प्रसाईंसहित पक्राउ परेकाहरूलाई थप दुई दिन हिरासतमा राख्न अनुमति दिएको छ।
चैत १५ गते काठमाडौँको तीनकुनेमा भएको घटनासम्बन्धी अनुसन्धानका लागि अदालतले बिहीबार प्रहरीले माग गरेको थप म्याद स्वीकृत गरेको हो।
जिल्ला प्रहरी परिसर काठमाडौँका अनुसार घटनासम्बन्धी अनुसन्धान प्रतिवेदन अन्तिम चरणमा रहेको र छिट्टै जिल्ला सरकारी वकिलको कार्यालयमा बुझाइने तयारी भइरहेको छ।
