काठमाडौँ: राष्ट्रिय स्वतन्त्र पार्टी (रास्वपा) ले संसदीय उच्चस्तरीय छानबिन समिति गठन नहुँदासम्म आफ्नो आन्दोलन जारी रहने स्पष्ट पारेको छ।
प्रतिनिधिसभाको आजको बैठकमा रास्वपाका प्रवक्ता तथा सांसद मनिष झाले वक्तव्य दिँदै संसदले गम्भीरतापूर्वक उच्चस्तरीय छानबिन समिति नबनाएसम्म रास्वपाले आन्दोलन नछाड्ने बताए। उनले सत्यतथ्य पत्ता लगाउने दायित्व संसदकै भएको उल्लेख गर्दै छानबिन बिना निष्कर्षमा पुग्न खोज्नु लोकतान्त्रिक प्रक्रियामाथिको हस्तक्षेप हुने धारणा व्यक्त गरे।
उनका अनुसार रास्वपाको आन्दोलन कुनै व्यक्तिगत स्वार्थ वा शक्तिको लोभमा आधारित नभई न्याय र पारदर्शिताको मागमा केन्द्रित छ। “जबसम्म निष्पक्ष र प्रभावकारी छानबिनको आधार तयार हुँदैन, तबसम्म आन्दोलन जारी रहनेछ,” उनले भने।
