काठमाडौं । सरकारले मन्त्रिपरिषद्को बैठकमार्फत आगामी चैत १९ गते संघीय संसद्को अधिवेशन बोलाउन राष्ट्रपति रामचन्द्र पौडेलसमक्ष सिफारिस गर्ने निर्णय गरेको छ।
सोमबार बसेको मन्त्रिपरिषद् बैठकले संघीय संसद्को दुवै सदनको अधिवेशन चैत १९ गते बोलाउन सिफारिस गर्ने निर्णय गरेको सरकारका प्रवक्ता तथा शिक्षामन्त्री सस्मित पोखरेलले जानकारी दिए।
उनका अनुसार बिहीबार दिउँसो २ बजे अधिवेशन आह्वान गर्न सिफारिस गरिएको हो।
