बेइजिङ: पूर्वी चीनको पर्यटकीय सहर सुझौस्थित एक होटल भत्किँदा कम्तिमा एक जनाको मृत्यु हुनुका साथै १० जना हराइरहेका छन् ।
चिनियाँ टेलिभिजन सीसीटिभीका अनुसार उद्वारकर्मीहरुको टोलीले घटनास्थलबाट सातजनालाई जीवीतै उद्वार गरेको थियो । चीनको प्रसिद्ध पर्यटकीय सहर सुझौमा सोमबार सिजी काइयून नामको होटल यसरी भत्किएको हो ।
घटनाको बारेमा अनुसन्धान भइरहेको अधिकारीहरुले जानकारी दिएका छन् । उक्त भवन कसरी भत्कियो भन्नेबारे हालसम्म यकिन विवरण आइसकेको छैन ।
सिजी काइयून होटल २०१८ मा सुरु भएको थियो । जसमा ५४ वटा गेस्ट रुमका साथै ब्यांक्वेट हल र सभाहल समेत थियो ।
घटनास्थलबाट उद्धारकर्मीहरुले दर्जनौँ मानिसहरुलाई उद्धार गरिरहेको दृश्य समेत सार्वजनिक भएका छन् । भवन भत्किएको वा दुर्घटनावश त्यस्तो भएको भन्ने पनि यकिन भएको छैन ।
