काठमाडौं । नेपाली कांग्रेसको संस्थापनइतर समूहको बैठक मंगलबारदेखि सुरु भएको छ।
पूर्व कार्यवाहक सभापति पूर्णबहादुर खड्काको आह्वानमा १४औँ महाधिवेशनबाट निर्वाचित केन्द्रीय कार्यसमितिका सदस्यहरूको बैठक धुम्बाराहीस्थित एक होटलमा जारी छ।
दुई दिने बैठकमा मुख्यतः तीन एजेन्डामा छलफल भइरहेको छ। जसमा २१ फागुनमा सम्पन्न निर्वाचनको समीक्षा र प्राप्त परिणाम, १५औँ महाधिवेशनको कार्यतालिका, तथा महाधिवेशनको तयारी र सम्भावनाबारे विचार-विमर्श समावेश छन्।
बैठक पूर्णबहादुर खड्काको अध्यक्षतामा बसेको हो, जसलाई गत असोज २८ गतेको केन्द्रीय कार्यसमिति बैठकले कार्यवाहक सभापतिको जिम्मेवारी दिएको थियो।
बैठकमा ५० भन्दा बढी नेताहरूको सहभागिता रहेको छ। सहभागी हुने नेताहरूमा डा. शेखर कोइराला, विमलेन्द्र निधि, प्रकाशमान सिंह, डा. शशांक कोइरालालगायत छन्।
