काठमाडौँ: प्रधानमन्त्री निवास बालुवाटारमा आज सत्ताधारी दलहरूको बैठक बिना कुनै निष्कर्ष टुंगिएको छ।
मंगलबार दिउँसो भएको बैठकमा जनता समाजवादी पार्टी (जसपा) नेपालका अध्यक्ष उपेन्द्र यादव अनुपस्थित रहेको कारण बैठक निष्कर्षविहीन भएको नागरिक उन्मुक्ति पार्टीकी अध्यक्ष रञ्जिता श्रेष्ठले जानकारी दिइन्।
श्रेष्ठका अनुसार, कार्यव्यस्ताका कारण जसपा अध्यक्ष बैठकमा उपस्थित नभएपछि, बैठक कुनै विशेष एजेन्डामा प्रवेश नगरी सकिएको बताइन्।
सोमबारको मन्त्रिपरिषद् बैठकमा नेपाल विद्युत् प्राधिकरणका कार्यकारी निर्देशक कुलमान घिसिङको बर्खास्तगी निर्णयपछि यसको चौतर्फी विरोध भएको बीचमा, प्रधानमन्त्री केपी ओलीले सत्तापक्षीय दलहरूको बैठक बोलाएका थिए।
