काठमाडौं । अमेरिकी राष्ट्रपति डोनाल्ड ट्रम्पले इरानविरुद्धको सम्भावित युद्धको खर्च अरब देशहरूले व्यहोर्नुपर्ने प्रस्ताव अघि सार्न सक्ने संकेत दिएका छन्।
ह्वाइट हाउसमा आयोजित पत्रकार सम्मेलनमा ट्रम्पकी प्रवक्ता क्यारोलिन लेभिटले यस्तो सम्भावनाबारे प्रतिक्रिया दिएकी हुन्। १९९० को खाडी युद्धमा जस्तै सहयोगी राष्ट्रहरूले अमेरिकालाई आर्थिक सहयोग गर्नुपर्ने विषयमा सोधिएको प्रश्नमा उनले यस विषयमा राष्ट्रपति ट्रम्पको चासो रहेको बताइन्।
“यो विषय राष्ट्रपतिको ध्यानमा रहेको छ, र चाँडै नै उहाँबाट यसबारे थप जानकारी आउन सक्छ,” लेभिटले भनिन्।
उनका अनुसार हालसम्म अमेरिकाले इरानभित्र रहेका ११ हजारभन्दा बढी सैन्य अड्डाहरूमा आक्रमण गरिसकेको दाबी गरिएको छ।
यद्यपि, ट्रम्पले इरानमा स्थलीय सेना पठाउने सम्भावनालाई अस्वीकार नगरे पनि प्राथमिकता भने अझै कूटनीतिक वार्तालाई नै दिएको प्रवक्ता लेभिटले स्पष्ट पारिन्।
