काठमाडौं । आज (शुक्रबार) बुद्ध जयन्ती देशभर श्रद्धा र भक्तिपूर्वक मनाइँदै छ।
प्रत्येक वर्ष वैशाख शुक्ल पूर्णिमाका दिन मनाइने यो पर्व भगवान् विष्णुको नवौँ अवतारका रूपमा जन्मिएका सिद्धार्थ गौतमको पूजा, आराधना र प्रवचनमार्फत मनाउने गरिन्छ।
विश्व शान्ति स्थापना र मानवताका लागि सिद्धार्थ गौतमले पुर्याएको योगदानको स्मरणस्वरूप यो दिवस मनाइन्छ। विशेषगरी बुद्धको जन्म, ज्ञान प्राप्ति र महापरिनिर्वाण (मृत्यु) एउटै दिन—वैशाख शुक्ल पूर्णिमामा परेको मान्यता अनुसार यस दिनको महत्व अझ विशेष रहेको छ।
यस अवसरमा नेपाललगायत विश्वभरका बौद्ध धर्मावलम्बीहरूले गौतम बुद्धप्रति गहिरो श्रद्धा र भक्तिसहित बुद्ध जयन्ती मनाइरहेका छन्।
