कमेडी वाइल्डलाइफ फोटो अवार्डका लागि केही रोचक तस्बिर छानिएको छ ।
संसारभरीबाट ७ हजार वटा तस्बिर आएकामध्ये ४२ तस्बिरलाई अन्तिम प्रतिस्पर्धाका लागि छनोट गरिएको छ । यसबारे बिहिबार प्रेस वक्तव्यमा जानकारी दिइएको छ ।
यी तस्बिर बेलायत, दक्षिण अफ्रिका, जर्मनी र भारतलगायत संसारभरीका विभिन्न स्थानबाट प्राप्त गरिएको हो ।
यो अवार्ड सन् २०१५ मा फोटोग्राफर पल जोयनसन–हिक्स र टम सुल्लामले स्थापना गरेका हुन् । उनीहरुले रोचक ढङ्गले वन्यजीव संरक्षणलाई प्रोत्साहन गर्न चाहन्थे ।
