संरक्षित वन्यजन्तु सालकको खबटासहित प्रहरीले काठमाडौंको बालाजुबाट २ जनालाई पक्राउ गरेको छ । पक्राउ पर्नेमा मकवानपुरको बकैया गाउँपालिका घर भएका कान्छालाल मोक्तान र धनबहादुर योञ्जन छन् ।
केन्द्रीय अनुसन्धान ब्यूरोबाट खटिएको टोलीले उनीहरुको साथबाट १ किलो ५ सय ग्राम सालकको खबटा बरामद गरेको छ । मकवानपुरबाट खबटा बेच्न उनीहरु काठमाडौं आएका थिए ।
उनीहरुलाई थप अनुसन्धान र कारवाहीका लागि डिभिजन वन कार्यालय हात्तीसारमा बुझाइएको केन्द्रीय अनुसन्धान ब्यूरोले जनाएको छ ।
