काठमाडौँ । नेपाली कांग्रेसका सभापति गगनकुमार थापाले पार्टीलाई एकताबद्ध बनाउन आफू अझै नरम हुन तयार रहेको बताएका छन् ।
कांग्रेस स्याङ्जाले वरिष्ठ नेता तथा पूर्वउपप्रधानमन्त्री गोपालमान श्रेष्ठको ४५औँ पुण्यतिथिमा आयोजना गरेको शोकसभालाई सम्बोधन गर्दै थापाले पार्टीभित्रका कमजोरी सुधार्न आवश्यक परे निर्मम भएर अघि बढ्न पनि तयार रहेको बताए ।
उनले देशमा जटिल परिस्थिति उत्पन्न हुँदा कांग्रेसले जिम्मेवार भूमिका निर्वाह गर्दै आएको उल्लेख गरे । नागरिकमा पार्टीप्रति विश्वास र भरोसा जगाउने गरी कांग्रेस अघि बढ्ने उनको भनाइ थियो ।
विपद्को समयमा सरकारको आलोचना गर्नु उपयुक्त समय नभएको बताउँदै थापाले यस्तो अवस्थामा जिम्मेवार भएर अघि बढ्नुपर्नेमा जोड दिए ।
