काठमाडौं । सरकारले निजामती कर्मचारी अस्पतालको कार्यकारी निर्देशकमा प्रा. डा. जितेन्द्र परियारलाई नियुक्त गर्ने निर्णय गरेको छ।
भूमि व्यवस्था, सहकारी तथा गरिबी निवारण मन्त्रालयअन्तर्गतको सङ्घीय मामिला तथा सामान्य प्रशासन मन्त्रालयले सोमबार सूचना जारी गर्दै सिफारिस समितिबाट योग्यताक्रमको पहिलो नम्बरमा सिफारिस भएका परियारलाई कार्यकारी निर्देशक नियुक्त गरिएको जनाएको हो।
मन्त्रालयका अनुसार उक्त पदका लागि असार ५ गते प्रकाशित सूचनाअनुसार प्राप्त आवेदनहरूको मूल्याङ्कनपछि सिफारिस समितिले साउन ३ गते परियारको नाम पहिलो नम्बरमा सिफारिस गरेको थियो।
उक्त सिफारिसका आधारमा अस्पताल विकास समितिको साउन ४ गते बसेको बैठकले परियारलाई कार्यकारी निर्देशक नियुक्त गर्ने निर्णय गरेको मन्त्रालयले जनाएको छ।
