गृह सचिवको संयोजकत्वमा रक्षा सचिव तथा विभिन्न सुरक्षा निकायका प्रमुख एवं प्रतिनिधिहरूको उपस्थितिमा आइतबार सिंहदरबारमा बसेको आकस्मिक बैठकले उक्त निर्णय गरेको हो।
मन्त्रालयका अनुसार विशेष टोलीलाई तत्काल घटनास्थलमा पुगेर निष्पक्ष अध्ययन गरी प्रतिवेदन पेश गर्न निर्देशन दिइएको छ। घटना सार्वजनिक भएलगत्तै गृह मन्त्रालयले हुम्ला र बाजुरा दुवै जिल्लाबाट नेपाल प्रहरी तथा सशस्त्र प्रहरी बल को विशेष टोली परिचालन गरिसकेको जनाएको छ।
सीमा क्षेत्रमा शान्ति सुरक्षा कायम राख्न तथा नागरिकको जीउधनको सुरक्षा सुनिश्चित गर्न सम्बन्धित जिल्ला सुरक्षा समितिलाई उच्च सतर्कता अपनाउन निर्देशन दिइएको मन्त्रालयले जनाएको छ।
भविष्यमा यस्ता घटना दोहोरिन नदिन स्थानीय प्रशासनलाई थप प्रभावकारी सुरक्षा रणनीति लागू गर्न सचेत गराइएको छ। साथै आवश्यकताअनुसार थप सुरक्षाकर्मी परिचालन गर्न नेपाल प्रहरी र सशस्त्र प्रहरी बललाई निर्देशन दिइएको बताइएको छ।
मन्त्रालयले दीर्घकालीन समाधानका लागि जनप्रतिनिधि, स्थानीय अगुवा तथा सरोकारवाला निकायहरूसँग समन्वयात्मक बैठकहरू समेत गरिरहेको जनाएको छ।
गृह मन्त्रालयका प्रवक्ता एवं सहसचिव आनन्द काफ्ले द्वारा जारी विज्ञप्तिमा सीमा क्षेत्रमा शान्ति कायम राख्न मन्त्रालय पूर्ण रूपमा प्रतिबद्ध रहेको उल्लेख गरिएको छ।
मन्त्रालयले स्थानीय नागरिकलाई संयमता अपनाउन तथा अफवाहको पछि नलाग्न आग्रह समेत गरेको छ।
