काठमाडौं । सरकारले बढ्दो वायु प्रदूषण, ट्राफिक जाम तथा सार्वजनिक यातायातको अव्यवस्थालाई नियन्त्रण गर्ने उद्देश्यले देशभर नयाँ सार्वजनिक गाडी दर्तामा रोक लगाएको छ।
यातायात व्यवस्था विभागले सातै प्रदेशका सम्बन्धित मन्त्रालय तथा सबै स्थानीय तहलाई पत्राचार गर्दै विद्युतीयसहित सार्वजनिक सवारी साधनको नयाँ दर्ता रोक्न निर्देशन दिएको हो।
विभागका अनुसार इन्धनको बढ्दो मूल्य, सडकमा अत्यधिक सवारी चाप तथा यातायात व्यवस्थापनमा देखिएको चुनौतीलाई ध्यानमा राख्दै सार्वजनिक गाडीको दर्ता अस्थायी रूपमा रोकिएको हो।
सार्वजनिक यातायातलाई व्यवस्थित, प्रभावकारी र वातावरणमैत्री बनाउने उद्देश्यले यस्तो निर्णय गरिएको विभागले जनाएको छ।
