काठमाडौँ । गलत खानपान, पानीको कमी र तनावका कारण पाचन प्रणाली प्रभावित हुँदा कब्जियतको समस्या देखापर्छ। यसलाई बेवास्ता गर्दा पेट दुख्ने, ग्यास जम्ने, पेट फुल्ने लगायत अन्य पाचनसम्बन्धी समस्या निम्तिन सक्छन्।
कब्जियत नियन्त्रण गर्न र पेट स्वस्थ राख्न दैनिक आहारमा फाइबर, पानी तथा पाचन प्रक्रियालाई सहयोग गर्ने प्राकृतिक तत्त्वयुक्त खानेकुरा समावेश गर्नु आवश्यक हुन्छ। यस्ता खानेकुराले पेटलाई नियमित रूपमा सफा राख्न मद्दत गर्छन्।
मेवा:
मेवामा प्रशस्त फाइबर र ‘पेपेन’ इन्जाइम पाइन्छ, जसले पाचन प्रक्रियालाई सक्रिय बनाउँदै कब्जियत कम गर्न मद्दत गर्छ। यसलाई काँचै, सलाद वा स्मूदीका रूपमा सेवन गर्न सकिन्छ। गर्मी मौसममा मेवा खानु शरीरलाई हाइड्रेटेड राख्न पनि उपयोगी हुन्छ।
मुंगको दाल:
मुंगको दाल हल्का र सजिलै पच्ने खानेकुरा हो। यसमा फाइबर र प्रोटिन प्रशस्त मात्रामा पाइन्छ, जसले पाचन प्रक्रियामा सुधार ल्याउँछ। मुंगको दालको खिचडी वा सुपले पेटलाई आराम दिनुका साथै कब्जियत घटाउन सहयोग गर्छ।
दही:
दहीमा पाइने प्रोबायोटिक्सले पेटमा रहेका लाभदायक ब्याक्टेरियालाई बढाउँछ, जसले पाचन प्रक्रियालाई सुदृढ बनाउँछ। नियमित रूपमा दही सेवन गर्दा कब्जियत, ग्यास र एसिडिटी जस्ता समस्या कम हुन्छन्।
आलस (अलसी):
आलस फाइबर र ओमेगा–३ फ्याटी एसिडको राम्रो स्रोत हो। यसलाई भिजाएर वा पिसेर सेवन गर्दा पाचन प्रक्रियामा सुधार आउँछ र कब्जियत हटाउन मद्दत मिल्छ।
प्रशस्त पानी:
पानी पाचन प्रणालीका लागि अत्यावश्यक तत्व हो। पर्याप्त पानी पिउनाले दिसा नरम भई नियमित रूपमा निस्कन मद्दत गर्छ। कब्जियतबाट बच्न दैनिक कम्तीमा ८–१० गिलास पानी पिउनु आवश्यक हुन्छ।
अस्वीकरण:
यो सामग्री विभिन्न स्वास्थ्यसम्बन्धी स्रोतका आधारमा तयार पारिएको हो। कुनै पनि स्वास्थ्य समस्या भएमा चिकित्सकसँग परामर्श लिनु उपयुक्त हुन्छ।
