काठमाडौं । उद्योग, वाणिज्य तथा आपूर्ति मन्त्रीमा गौरीकुमारी यादव र श्रम, रोजगार तथा सामाजिक सुरक्षा मन्त्रीमा रामजी यादव नियुक्त भएका छन्।
राष्ट्रिय स्वतन्त्र पार्टी (रास्वपा) का सांसद रहेका दुवै जनालाई आज मन्त्रीमा नियुक्त गरिएको हो। उनीहरूको नियुक्तिसँगै सरकारमा नयाँ जिम्मेवारी थपिएको छ।
नवनियुक्त मन्त्री गौरीकुमारी यादवले उद्योग, वाणिज्य तथा आपूर्ति मन्त्रालयको जिम्मेवारी सम्हाल्ने भएकी छन् भने रामजी यादवले श्रम, रोजगार तथा सामाजिक सुरक्षा मन्त्रालयको नेतृत्व गर्नेछन्।
दुवै मन्त्रीले आजै राष्ट्रपति भवनमा आयोजित एक विशेष समारोहमा राष्ट्रपति समक्ष पद तथा गोपनीयताको शपथ लिने कार्यक्रम रहेको छ।
शपथपछि उनीहरूले आ–आफ्नो मन्त्रालयको जिम्मेवारी औपचारिक रूपमा सम्हाल्ने छन्।
