काठमाडौँ । गृहमन्त्री सुधन गुरुङले सिंहदरबारस्थित राष्ट्रिय परिचयपत्र विभाग तथा कालिकास्थानस्थित पञ्जीकरण विभागमा आकस्मिक छड्के अनुगमन गरेका छन्।
सोमबार बिहान मन्त्री गुरुङ दुवै कार्यालय पुगेर त्यहाँबाट प्रवाह हुने सेवा, कर्मचारीको अनुशासन तथा वेबसाइट ह्याक भएको विषयमा प्रत्यक्ष जानकारी लिएका हुन्।
परिचयपत्र वितरणमा भइरहेको ढिलाइ र नागरिकले भोग्नुपरेको सास्तीलाई छिटो र प्रभावकारी बनाउने विषयमा उनले विशेष चासो दिएको उनको सचिवालयले जनाएको छ।
