काठमाडौं । गृहमन्त्री सुधन गुरुङले विगत ३६ वर्षसम्म सुरक्षाकर्मी नै ‘हत्कडीमा बाँधिएको’ अवस्थाजस्तै रहेको टिप्पणी गरेका छन्। उनले काठमाडौंका विभिन्न स्थानमा गुण्डागर्दीमा संलग्न युवाहरूलाई नियन्त्रणमा लिएपछि यस्तो अभिव्यक्ति दिएका हुन्।
आज सामाजिक सञ्जालमार्फत उनले लेखेका छन्, “३६ वर्षसम्म हत्कडी सुरक्षाकर्मीलाई नै लगाइदिएको रहेछ।”
गुरुङ गृहमन्त्री बनेपछि भने कानून कार्यान्वयनमा कडाइ आएको देखिएको छ। भ्रष्टाचार काण्डमा मुछिएका व्यापारीदेखि नेतासम्मलाई पक्राउ गर्ने क्रम बढ्दै गएको छ, जसले सुरक्षा निकायको सक्रियता र हस्तक्षेप प्रभावकारी बनेको संकेत गर्दछ।
