काठमाडौँ, ११ चैत । राष्ट्रपति रामचन्द्र पौडेलले प्रतिनिधिसभा सदस्य निर्वाचनबाट निर्वाचित ज्येष्ठ सदस्य अर्जुननरसिंह केसीलाई आज पद तथा गोपनीयताको शपथ गराउने कार्यक्रम तय भएको छ।
राष्ट्रपति कार्यालय शीतल निवासमा बिहान ११:१५ बजे शपथ ग्रहण कार्यक्रम हुने जनाइएको छ। गत फागुन २१ गते सम्पन्न प्रतिनिधिसभा निर्वाचनमा निर्वाचित सदस्यमध्ये केसी ज्येष्ठ सदस्य हुन्।
निर्वाचनमार्फत प्रतिनिधिसभामा प्रत्यक्षतर्फ १६५ र समानुपातिकतर्फ ११० जना सदस्य निर्वाचित भएका छन्। नेपाली काँग्रेसका नेता केसी समानुपातिक प्रणालीबाट निर्वाचित भएका हुन्।
ज्येष्ठ सदस्यका रूपमा केसीले भोलि चैत १२ गते प्रतिनिधिसभामा निर्वाचित अन्य सांसदहरूलाई पद तथा गोपनीयताको शपथ गराउने कार्यक्रम रहेको छ।
