काठमाडौं । आज काठमाडौं उपत्यकामा घोडेजात्रा पर्व मनाइँदै छ। प्रत्येक वर्ष चैत्र कृष्ण औँसीका दिन मनाइने यस पर्वको अवसरमा सरकारले काठमाडौं उपत्यकामा सार्वजनिक बिदा दिएको छ।
घोडेजात्राको मुख्य आकर्षणका रूपमा नेपाली सेनाले टुँडिखेलमा अश्वकला, मोटरसाइकल खेल, शारीरिक व्यायाम तथा युद्धकलासहित विभिन्न प्रदर्शन प्रस्तुत गर्ने कार्यक्रम रहेको छ।
परम्पराअनुसार टुँडिखेल आसपास बस्ने ‘गुरुमापा’ नामक राक्षसले बालबालिकालाई दुःख दिने विश्वासका कारण घोडाको टापले कुल्चिएर उसलाई दबाउने प्रतीकका रूपमा यो पर्व मनाउने गरिएको मान्यता छ।
यसै दिन ललितपुरमा पनि घोडा दौडाएर घोडेजात्रा मनाउने परम्परा रहेको छ।
