काठमाडौँ – साउदी अरेबियाको रक्षा मन्त्रालयले आफ्नो भूभागमा गएराति २६ वटा इरानी ड्रोन खसालेको जनाएको छ, जसमा धेरैजसो राजधानी रियाद र देशको पूर्वी क्षेत्रमा रोकिएका थिए।
आइतबार बिहान, संयुक्त अरब इमिरेट्स (युएई) ले पनि इरानबाट आएको क्षेप्यास्त्र र ड्रोन आक्रमणको जवाफ दिइरहेको जनाएको छ। दुबईको मिडिया कार्यालयले मरीना र अल सुफौह क्षेत्रमा सुनिएका आवाजहरू सफल अवरोधको संकेत भएको जानकारी दिएको छ।
यसअघि शनिबार युएईको पूर्वी तटमा रहेको प्रमुख तेल निर्यात टर्मिनल फुजैराहमा ड्रोन आक्रमणपछि आगलागी भएको थियो।
साइरन बज्दै बहराइनले मानिसहरूलाई नजिकको आश्रयस्थलमा जान अनुरोध गरेको छ भने कुवेतले विगत २४ घण्टामा पाँचवटा इरानी ड्रोन खसालेको जनाएको छ।
कतारले पनि शनिबार दिनभरि क्षेप्यास्त्र र ड्रोन आक्रमणहरू निस्तेज भएको अपडेट जारी गरेको थियो।
