काठमाडौँ – नेपाली कांग्रेसका सभापति गगन थापासहितको पदाधिकारी टोलीले आज प्रधानमन्त्री सुशीला कार्कीलाई भेट गरेको छ।
सभापति थापा, उपसभापतिद्वय विश्वप्रकाश शर्मा र पुष्पा भुसालसहितको टोली प्रधानमन्त्री निवास बालुवाटार पुगेको थियो।
प्रधानमन्त्री कार्कीले विभिन्न भूमिकामा रहँदै निर्वाचन सफल बनाउन कांग्रेसले देखाएको सहयोगप्रति आभार व्यक्त गर्नुभएको प्रधानमन्त्रीको सचिवालयले जनाएको छ।
प्रधानमन्त्रीका प्रेस सल्लाहकार रामबहादुर रावलका अनुसार, कार्कीले निर्वाचनमा पराजित भएका कांग्रेस नेताहरूलाई विचलित नहुने सुझाव दिनुभएको थियो।
