काठमाडौं। दोहास्थित नेपाली दूतावासले कतारमा रहेका घर फर्कन चाहने नेपाली नागरिकलाई सम्पर्क गर्न अनुरोध गरेको छ। मध्यपूर्वमा बढ्दो तनावका कारण स्वदेश फर्कन चाहने नेपालीहरूलाई दूतावाससँग समन्वय गर्न आग्रह गरिएको हो।
दूतावासले यस सम्बन्धमा भिसा सेवा केन्द्रको फोन नम्बरसमेत सार्वजनिक गरेको छ। दूतावासका अनुसार कतारमा वैध आवासीय अनुमतिपत्र (कतार आईडी) भएका नेपाली नागरिकलाई साउदी अरबका विमानस्थल हुँदै नेपाल फर्किने व्यवस्था मिलाइएको छ।
यसका लागि दोहास्थित ताशिर साउदी भिसा सेवा केन्द्रमार्फत पर्यटक भिसाका लागि आवेदन दिन ‘अपोइन्टमेन्ट बुक’ गर्न दूतावासले अनुरोध गरेको छ। उक्त सेवा केन्द्र एजदान मल (अल घराफा)मा रहेको बताइएको छ।
